Гвардиола "Сити" билан шартномасини узайтирадими? Мураббийнинг ўзи жавоб берди

Испаниялик мураббий ўз шартномасининг яна 2 йил амал қилишини ва уни узайтириши мумкинлигини маълум қилди. 

"Менинг шартномамдаги муддатим яна икки йил, эҳтимол яна икки йилга узайтираман. Савол қачон тўхташимда: шу йилми, икки йилдан кейинми ёки тўрт йилдан кейинми? Танаффус қиламанми, йўқми, ба ҳам номаълум. Аммо ҳозирча ўзимни яхши ҳис қиляпман" - дея таъкидлади Гвардиола.

Эслатиб ўтамиз, Пеп Гвардиола "Манчестер Сити"да 2016 йилдан бери фаолият юритмоқда. У клуб билан барча турнирлар доирасида 534 та ўйин ўтказган.