Гвардиола: "Пеле, Марадона, Кройфф, Месси, Беккенбауэр, Криштиану Роналду – бу футболчилар мангу бўлиб қолади"
30 дек 2022 21:26
Янгиликлар

Гвардиола: "Пеле, Марадона, Кройфф, Месси, Беккенбауэр, Криштиану Роналду – бу футболчилар мангу бўлиб қолади"

"Манчестер Сити" бош мураббийи Хосеп Гвардиола матбуот анжуманида Пеле ҳақида гапирди.

Эслатиб ўтамиз, Пеле 82 ёшида вафот этди. Сўнгги йилларда футбол қироли саратон касаллиги билан курашиб келаётганди.

"Пеле исталган давр футболчилари билан бир қаторда ўйнай оларди. Пелени ўз кўзлари билан кўрганлар уни энг зўри деб айтишади. Аргентинада Ди Стефано, Марадона, Мессини тилга олишади. Мен ҳар доим Мессини шундай атаганман, чунки мен у билан ишлаганман, лекин кимдир бу номга бошқа футболчини лойиқ кўришини тўғри тушунаман.
Пеле жаҳон чемпионатида ўйнаганида мен ҳали туғилмагандим. Бу ҳар доим тилга олинадиган яхши фильм ёки яхши китобга ўхшайди. Пеле, Марадона, Кройфф, Месси, Беккенбауэр, Криштиану Роналду – бу футболчилар мангу бўлиб қолади", деди Гвардиола.

Ҳавола :

Манба : Manchester Evening News

Янгиликларни Телеграмда ўқинг!

Рейтинг: +14