"Бир вақтнинг ўзида "Атлетико"ни ҳам бошқараман!" — Клопп "Реал" ҳақидаги миш-мишларга кескин жавоб берди
23 мар 23:55
Янгиликлар

"Бир вақтнинг ўзида "Атлетико"ни ҳам бошқараман!" — Клопп "Реал" ҳақидаги миш-мишларга кескин жавоб берди

Юрген Клопп ўзининг "Реал" Мадрид бошқарувига келиши ҳақида тарқалган хабарларга ўзига хос юмор билан муносабат билдирди.

Германиялик мутахассис бу каби гап-сўзларни "аҳмоқона миш-миш" деб атади. "Яхшиси, бу ҳақида гаплашиб олайлик. Қачон хабар ҳақиқатга айланади? Биров қоғозга нимадир ёзса содир бўладими ёки ҳақиқатда жараён кетса? Флорентино Перес менга қўнғироқ қилиб: "Юрген, ишларинг қалай?" дейиши керакми? Бундай уйдирмалар менинг ғазабимни келтиради", — деди Клопп.

"Реал" менга бирор марта ҳам қўнғироқ қилмаган. Агар шундай бўлса, келинг, бир йўла "Атлетико"ни ҳам бошқара қоламан! Идеал ҳолатда — иккала жамоани бир вақтда! Узр, "Мадрид", аввал қўнғироқ қилишларинг керак эди", — дея ҳазиллашди мураббий.

Эслатиб ўтамиз, айни дамда Юрген Клопп "Red Bull" тизимида фаолият юритмоқда.

Ҳавола :

Манба : Goal

Янгиликларни Телеграмда ўқинг!

Рейтинг: +3