Гвардиола: "Бу иш осон бўлганида, МЮ уддалаган бўларди"

"Манчестер Сити" ўтган мавсум тарихда илк бора учта асосий мусобақа - АПЛ, Англия Кубоги ва Чемпионлар лигаси ғолибига айланди.

"Бу эртак, ҳаммаси сиз ўйлагандан қийинроқ. "Эвертон"ни мағлуб этишга ҳаракат қиламиз, уёғига кўрамиз.

99,9% эҳтимол билан кетма-кет иккинчи треблни такрорлай олмаймиз, чунки буни ҳеч қачон, ҳеч қачон, ҳеч қачон, ҳеч қачон ҳеч ким уддалай олмаган. Агар бу осон бўлганида, бошқа жамоа, масалан, "Манчестер Юнайтед" уддалаган бўларди.

Бу борада ҳаммаси қийин, ўтган мавсумдаги муваффақият ҳеч нарсан кафолатламайди. Курашда охиригача қолиш учун ўша ишларни ҳар уч кунда такрорлаш керак.

Умид қиламанки, март ва апрелда ҳам шундай шижоатда бўламиз ва май ойида ҳам соврин учун курашишда давом этамиз. Бу бизнинг мақсад, - деди "Манчестер Сити" бош мураббийи.

Эслатиб ўтамиз, "Бавария" ва "Барселона" ўз тарихида 2 мартадан требл қайд этган. Лекин, уларнинг ҳеч бири бу натижани кема-кет икки мавсумда амалга оширмаган.