Ўйинда ягона голда Антуан Гризманн муаллифлик қилди.
Бу "Барселона"нинг 30 ёшли футболчиси учун Франция терма жамоа сафидаги 89-ўйин ва 35-гол бўлди.
Гризманн бу борада Давид Трезегени (34 гол) ортда қолдирди ва Франция терма жамоасининг энг яхши тўпурарлари рўйхатида тўртинчи ўринга кўтарилиб олди.
Унгача рўйхатда Платини (72 та ўйинда 41 та гол), Жиру (106 та ўйинда 44 та гол) ва Анри (123 та ўйинда 51 та гол) каби футболчилар бор.
