Гризманн "Барса"га кетгани ҳақида: "Атлетико"да қанчалик бахтли эканлигимини тушунмаганман. Ёмон пайтларни бошдан кечирганингизда нималарга эга бўлганингизни англайсиз"

– Бу фаолиятингиздаги энг бахтли босқичми?

– Ҳа. Мен шунингдек "Атлетико"да олдин ўйнаганимда бахтли бўлганман. Ҳозир бахтлиман деб ўйлайман, аммо ундан ҳам муҳимроғи бахтлилигимни ҳис қиляпман. Шу сабаб бундан жуда ҳам завқ оляпман, сабаби "Атлетико"да олдин ўйнаганимда қанчалик бахтли бўлганимни ҳис қилмаганман.

– Кетиш ва қайтиш буни ҳис қилишга яна ҳам ёрдам берган.

– Ҳа, ҳудди шундай. Кетган пайтинг кўпроқ тушунасан. Сен шу ерда бахтлисан, аммо буни англамайсан ва оддий ҳаётда яшайсан. Кетганингда ва ёмон пайтларни бошдан кечирганингда нималарга эга бўлганингни тушунасан ва ўша даражадаги севгига қайтишга уринасан.

Ҳозир эса ҳар тонг уйғонаман ва барчасидан хурсанд бўламан: машғулотларга бориш, ушбу эмблемани кийиш имконияти, жамоадаги шериклар, ушбу мураббий билан бўлиш. Ва оилам ҳам бу ерда жуда бахтли, – дейди "Атлетико" ҳужумчиси.

Гризманн 2019-2023 йилларда "Барселона" ўйинчиси бўлган. У клуб сафида 102та ўйин ўтказиб, 35та гол уришга эришган.