Турклар бразилиялик дарвозабон Эдерсонни ўз сафига қўшиб олмоқчи. Бу ҳақда футбол инсайдери Фабрицио Романо хабар бермоқда.
Журналистнинг ёзишича, "Галатасарой" дарвозабон учун 10 млн евро таклиф қилмоқда. Манбаларга кўра, инглизлар бундай суммага рози бўлмайди, чунки улар футболчи учун кўпроқ пул олишни кутмоқда.
"Манчестер Сити" Эдерсоннинг ўрнига ПСЖни тарк этган Жанлуижи Доннаруммани сотиб олишни режалаштирмоқда. Италиялик аллақачон Пеп Гвардиоланинг жамоаси билан шахсий шартнома шартларини келишиб олган, унинг маоши йилига 12 млн евродан бошланади.
