Унда амалдаги бронза медали соҳиби "Дўстлик-AIN" жамоаси "Бунёдкор"ни 4:2 ҳисобида мағлуб этди. Ўйиндан сўнг қаршиликларнинг барча тўртта голига муаллифлик қилган Феруз Фахриддиновнинг фикрлари билан қизиқдик.
"Бугун жуда ҳам қийин ўйин бўлди, чунки "Бунёдкор" ҳам яхши тайёрланган экан. Ярим финалда "Ардус"га ютқазиб қўйганимиздан кейин тушкунликка тушиб қолган эдик. Бу нарса бугунги баҳс бошида ўз таъсирини ўтказди ва биринчи дақиқадаёқ иккита гол ўтказиб юбордик. Лекин, йигитлар билан мана шу ҳолатдан руҳан чиқиб кета олдик ва якунда ғалабани ўз томонимизга оғдирдик. Насиб қилса, бронза масаласини эртанги ўйиндаёқ ҳал қиламиз.
"Бунёдкор" тур беллашувларига қараганда анча кучли ўйин намойиш этди. Бу йил олдимизга чемпионлик вазифаси қўйилган эди, афсуски тажриба ва омад етишмагани боис ярим финалда мағлуб бўлдик".
