Бундай омадсиз натижалар кетма-кетлиги Ханси Фликдан муносабат талаб қиларди ва у буни амалга оширди.
"Diario Sport" маълумотларига кўра, немис мураббийи футболчиларга икки кунлик дам берди: ўзи эса тактик майда-чуйдаларни қайта кўриб чиқиш ва штаби билан муҳокама қилиш учун вақт ажратган. Ўйинчилар 19 февраль куни машғулот базасига қайтгач, аввало Флик билан суҳбатга киришишди.
Немис мураббийи бир соат давомида "гуруҳ терапияси" ўтказиб, футболчиларга муваффақият олиб келган тактик жиҳатларга — масалан, юқори интенсивликдаги юқори прессингга яна қайтиш кераклигини тушунтиришга уринган.
Флик бу суҳбатга жавобни шогирдларидан яқиндаги "Леванте"га қарши ўйиннинг ўзида кўришга умид қилмоқда.
"Барселона" – "Леванте" учрашуви 22 февраль куни 20:15 да бошланади.
