ФИФА ЖЧни икки йилда бир марта ўтказиш режалари ҳақида терма жамоаларни хабардор қилди

ФИФА Жаҳон чемпионатини икки йилда ўтказишга мўлжалланган янги тизим борасида барча терма жамоаларни хабардор қилган. Ушбу реформалар натижасида ўйинчилар терма жамоалар ихтиёрида 50 кун эмас, 30 кун бўлишади. Жаҳон чемпионати саралаш босқичи ўйинлари ҳам, максимум 7 та ўйиндан иборат бўлади. Бу эса саралаш ўйинларини икки даврда, яъни октябь ва март ойларида ўтказиш имконини беради. 

ФИФА ушбу реформалар футболчиларга бўлган юкламаларни камайтириш учун йўлга қўйилаётганини қўшимча қилган. Мисол тариқасида эса Лионель Месси кўрсатилган. 2014-2018 йиллар оралиғида Месси терма жамоа йиғинларига етиб бориш учун жами 324 минг километр парвоз қилган. ФИФАнинг янги лойиҳасида эса бу кўрсаткич 157 минг километрга қисқариши мумкин бўлади.