– Янги мавсумга тайёргарлик қандай ўтмоқда?
– Тайёргарликни бошладик. Янги легионерлар сафимизга қўшилди. Қолаверса, янги келганлар орасида аввал ушбу клубда фаолият олиб борган футболчилар ҳам бор. Мавсумга яхши тайёргарлик кўришга ҳаракат қиламиз. Ҳамма жамоа кучаймоқда. Суперлига жудаям қизиқарли ўтади. Шу боис, биз ҳам яхши тайёргарлик кўришимиз керак.
– Шу ёшингизда ҳам тетик бўлиб туришнинг сири борми?
– Жисмоний ҳолатни сақлаб туриш барчанинг ўз қўлида. Режим остида яшашдан ташқари футболни яхши кўриш ҳам керак.
– Тиббий кўрикдан ўтгазган мутахассисларнинг айтишича, сизнинг организмингиз ўн ёш кичик футболчилардан ҳам яхши деб айтишди.
– Пулсим шундай бўлса керак, лекин энди уни юқори кўтара олмайман.
– Жорий йил, менимча, Суперлигадаги энг ёши катта футболчига айланасиз?
– Шунақа шекилли.
– Роналду билан тенгдошсиз-а?
– Ҳа.
– Ким биринчи фаолиятини тугатишга беллашяпсизларми?
– Шу йил жамоага ёрдамим тегишини истайман. Мақсадим шу.
– Янги мавсумдан нималар кутяпсиз?
– Ҳамма жамоа кучаймоқда. Олдинда жаҳон чемпионати кутилмоқда. Бу йил мухлислар учун футбол жиҳатдан "тўйимли" йил бўлади.
