UZ

Сўнгги янгиликлар

19:21"Реал" январда Эндрикни ижарага бермайди  0 19:15Суперлига. "Пахтакор" – ОКМК 0:1 (матнли трансляция)  37 18:59Жоау Канселу: "Ҳар доим "Барселона"га мухлислик қилганман"  0 18:35Сон Туркияда тўп тепиши мумкин  0 18:06Александр Ежов: "2-3 та вазиятни юз фоиз голга айлантиришимиз керак эди"  0 17:50Асрор Алиқулов: "Машъал" кейинги мавсум Суперлигада ўйнамайди? Бу ҳақда эшитганимиз йўқ"  3 17:39Ўзбекистонлик ҳакамлар ОЧЛ-2 доирасидаги баҳсни бошқаради  0 17:18Баҳром Ҳайдаров: "Майдон ҳолатини ҳисобга олсак, комбинацион ўйин намойиш этиш қийин эди"  1 17:07Суперлига. "Пахтакор" – ОКМК. Таркиблар маълум  1 16:50"Кимгадир ёқар лола, ким атиргул шайдоси". Дунё юлдузлари қайси жамоаларга мухлислик қилади?  5 16:32Про лига. "Қўқон-1912" "Дўстлик" устидан қийин ғалабага эришди, "Машъал" "Хоразм" билан дуранг ўйнади  0 16:14Абдуқодир Ҳусанов Puma томонидан тақдим этилган бутсаларни намойиш этди  6 15:46Жоэль Кожо масаласи нима бўлди? "Динамо" вакиллари жавоб беришди  13 15:15Сан-Марино терма жамоаси ЖЧ-2026га йўл олиши мумкин. Қандай қилиб?!  10 14:41Хуан Мата "Сан-Диего" футбол клубига сармоя киритди  0

"Фернандесга узрим етиб борди. "Нижний Новгород"дан пастдаги жамоага ўтмайман - Иброҳимҳалил Йўлдошев билан интервью Янгиликлар

"Фернандесга узрим етиб борди. "Нижний Новгород"дан пастдаги жамоага ўтмайман - Иброҳимҳалил Йўлдошев билан интервью

Интервью вақти!

Россия Премьер Лигасининг 20-турида "Нижний Новгород" ЦСКАга мағлуб бўлди. Гап шундаки, новгородликлар сафида тўп тепаётган ҳамюртимиз Иброҳимҳалил Йўлдошев баҳснинг 84-дақиқасида ЦСКА футболчиси Марио Фернандес билан тўқнашиб кетди. Ҳаводаги ҳаракатлардан сўнг Фернандеснинг бурни синди. Хўш, аслида вазият қандай бўлганди? Иброҳимҳалил Йўлдошев билан алоқага чиққан мухбиримиз шу ва бошқа саволларга жавоб олди. 

- Дастлаб ЦСКА билан кечган ўйин ҳақида фикрларингиз билан ўртоқлашсангиз. Кучли рақиб билан ўйинда жамоангиз муносиб қаршилик кўрсатишга уринди. Бироқ якунда гол ўтказиб юбориб кичик ҳисобда мағлуб бўлди...

- Авваламбор ассалому алейкум. Ушбу ўйинга ҳужумкор руҳиятда тушган эдик. ЦСКА каби кучли рақибларга қарши баҳсларда мотивация ўз-ўзидан катта бўлади. Биринчи бўлим охирларида қизил карточка олдик. Уч очко учун чиққандик. 10 киши қолганимиздан кейин майдоннинг барча чизиқларида икки карра куч билан ўйнашимиз талаб этиларди. Ортга йўлимиз қолмаганди. Иккинчи бўлимда ҳимояда яхшироқ ҳаракат қилишимиз керак эди. ЦСКА деярли вазиятлар юзага келтиргани йўқ. Буни ҳаттоки рус шарҳловчилари ҳам таъкидлади. Сўнгги дақиқаларда ҳимоямиздаги тартибсизликдан рақиб фойдаланди. 

- Марио Фернандес билан тўқнашувингиз учрашувда барчанинг эътиборини тортган вазият бўлди, дея оламиз. Ўша ҳолат иштирокчиси сифатида вазиятни тўлиқ айтиб берсангиз. Ўйиндан сўнг гаплашдингларми?

- Бу биринчиси эмасди. Ҳимояда, ярим ҳимояда кўп тўқнашдик. Иккинчи бўлим сўнггида иккинчи тўпга ҳавода кураш кечди.  Марио бурнидан жароҳат олди. Очиғи қонни кўриб унга раҳмим келди. Ўзимга катта таъсир қилмади. Ҳозирда яхшиман. Ўйиндан кейин дарҳол инстаграм орқали Марио Фернандесни изладим. Лекин бундай тармоқдан фойдаланмас экан. Жамоадоши Бахтиёр Зайнутдинов билан боғландим. Менимча узрим етиб борган, деб ўйлайман. 

- "Нижний Новгород" сафида ўйинингиз очилиб бормоқда. Маҳаллий мутахассислар назарига тушяпсиз. Ёзда сизни кучлироқ чемпионатда кўришимиз мумкинми?

- Сўнгги ўйинларда кутилганидек ўйнашга ҳаракат қиляпман. Тўғри мураббий ва мутахассислар назарига тушяпман. Ёзда қайси чемпионатга ўтишим мумкин? Тўғриси бирор нарса дея олмайман. Вақт кўрсатади. 

- Владикавказнинг "Алания" жамоаси бош мураббийи Спартак Гогниев сизга қизиқиш билдирганини, ҳужумкор услубга мос келишингизни айтди. Бунга сизнинг муносабатингиз қандай?

- Буни сиздан эшитмоқдаман. "Алания" "Нижний Новгород"дан пастда. Ҳозирги клубимдан паст жамоага ўтмайман. Мақсадим - олдинга интилиш. Бошқа томондан Россияда қоламан, деб ҳам айта олмайман.

- Ўзбекистон Суперлигасининг дастлабки турларини кузатганингиз табиий. Қандай хулосалар олдингиз?

- Кўрдимки, ҳамма клубларда ўзгаришлар катта. "Пахтакор" ҳозир ҳам яхши таркибга эга. Ҳимояга керакли ўйинчилар олинган. Ярим ҳимояда Икром Алибоевнинг тажрибаси ёрдам бериши шубҳасиз. "Навбаҳор"ми, "Локомотив"ми таркибида номдор ўйинчилар бор.

Муаллиф : Iskandarov Abdulaziz
Рейтинг: +27   

Фикрлар

championat.asia
< сўнгги янгиликларни кўриш
Яндекс.Метрика