Фантастик голларга муаллифлик қилган Райс Чемпионлар Лигасида ҳафтанинг энг яхши футболчиси деб топилди

Деклан Райс Чемпионлар Лигаси 1/4 финалидан ўрин олган "Арсенал" ва "Реал" ўртасидаги биринчи ўйинда "канонирлар"нинг йирик 3:0 ҳисобидаги ғалабаси билан якунланган ўйин қаҳрамони бўлди. У иккита жарима зарбасини қойилмақом амалга ошириб, иккита гол урди.

Райс "Реал"га қарши ўйинда тўғридан-тўғри жарима зарбаси орқали фаолиятидаги биринчи голини (ва бирданига иккита) урди. Бундан ташқари, англиялик футболчи ЕЧЛ плей-офф босқичи тарихида бир учрашувда жарима зарбасидан иккита тўп киритган илк футболчига айланди.  

УЕФА томонидан ўтказилган сўровномада ғалаба қозонган Райс Чемпионлар Лигасида ҳафтанинг энг яхши футболчиси деб топилди. "Канонир" сўровномада ПСЖ аъзоси Хвича Кварацхелия, "Интер" аъзоси Алессандро Бастони ва "Барселона" ҳужумчиси Роберт Левандовскини ортда қолдирди.