Мухлислар самолёт ёрдамида мураббийга маслаҳат беришди

Нидерландия терма жамоаси Евро-2020 турнири гуруҳ босқичида илк учрашувни Украинага қарши ўткадади. Мухлислар томонидан самолёт орқали йўлланган баннерда “Франк, фақат 4-3-3” ёзуви туширилган.

“Маслаҳат учун раҳмат, аммо биз 3-5-2 да қоламиз”, дея ҳазиллашди де Бур ўйин олдидан ўтказилган матбуот анжуманида.

Нидерландия ва Украина терма жамоаси иштирокида беллашув бугун 13 июнь куни бўлиб ўтади. Беллашув Амстердамдаги “Йохан Круифф Арена”да ўтказилади. Мазкур гуруҳда бу икки жамоадан ташқари Австрия ва Шимолий Македония терма жамоаси ҳам жой олган.