Футбол агенти Сильвано Мартино:
"Мен Фабиони футболни энг юқори даражада ўзлаштирган ўйинчи сифатида биламан. Бундан ташқари, у мураббий сифатида ҳам яхшигина тажрибага эга. У Италиядан ташқарида кўп ишлаган. Қийин шароитларда ҳам фаолият олиб борган. Унинг янги жамоани қандай ҳис қилиши жуда муҳим. Муваффақиятга эришиш учун яхши ўйинчилар ва жамоавий руҳ керак".
Журналист Адриано Анкона:
"Менимча, бу яхши танлов. Италияда у икки йил олдин "Удинезе"ни қутқариб қолган эди. Бу воқеа эсда қоларли бўлганди. Фабионинг ишини давом эттирмагани унинг айби эмас".
"Фиорентина" собиқ дарвозабони Себастьян Фрей:
"Фабиода футболчилик фаолиятида улкан ва мураббий сифатида яхши тажриба шаклланган. Менимча, бу жиҳатлар энг муҳими ҳисобланади. У бу тажрибани ўйинчилар билан баҳам кўриши ва уларга ўз кучига ишонч уйғотиши мумкин".
Машҳур мураббий ва футболчи Вальтер Новеллино:
"Мен уни жуда яхши инсон сифатида биламан. Фабио ҳозирча мураббий сифатида катта ютуқларга эришмаган бўлса-да, унинг олдида катта имкониятлар мавжуд. Муҳими, у футболчилик фаолиятида буюк мураббийлар билан ишлаган. У ўйинчиларга кўп нарсаларни ўргатиши ва уларни ўзига ишонишга ундаши мумкин".
