Демак, қуйидаги жуфтликлар шаклланди:
"Барселона" – Манчестер Юнайтед"
"Ювентус" – "Нант"
"Спортинг" – "Мидтьюлланд"
"Шахтёр" – "Ренн"
"Аякс" – "Унион"
"Байер" – "Монако"
"Севилья" – ПСВ
"Ред Булл Зальцбург" – "Рома"
Қуръада 16 та клуб қатнашди: Европа Лигаси гуруҳ босқичида иккинчи ўринни эгаллаган саккизта жамоа, Чемпионлар Лигаси гуруҳ босқичида учинчи ўринни эгаллаган саккизта клуб эса сараланмаганлар қаторидан жой олди.
Сараланганлар: "Манчестер Юнайтед" (Англия), "Мидтьюлланд" (Дания), "Монако" (Франция), "Нант" (Франция), ПСВ (Нидерланидя), "Рома" (Италия), "Ренн" (Франция), "Унион" (Германия).
Сараланмаганлар: "Аякс” (Нидерландия), "Байер" (Германия), "Барселона" (Испания), "Ред Булл Зальцбург" (Австрия), "Севилья" (Испания), "Спортинг" (Португалия), "Шахтёр" (Украина), "Ювентус" (Италия).
Европа Лигаси плей-офф босқичида бир мамлакат жамоалари тўқнаш кела олмайди.
Жамоалар ҳар бир учрашувни уйда ва сафарда ўтказади. Сараланган жамоалар жавоб ўйинларини ўз уйларида ўтказишади.
Биринчи плей-офф ўйинлари 16 февралга белгиланган. Жавоб ўйинлари бир ҳафтадан кейин ўтказилади.
Плей-офф босқичи ғолиблари Европа Лигаси 1/8 финалига йўл олишади. Мағлубиятга учраганлар еврокубоклардан чиқиб кетишади.
