"Ромелу Лукакуни жамоада олиб қолиш учун икки ёзни сарф қилдим. Доимо у, унинг агенти, онаси ва оиласи билан мулоқотда бўлдим ва бир йил футболчини сақлаб қола олдик. Ўтган ёзда биз янада яхшироқ шартнома таклиф қилдик ва бошқа клублар битимларидан кўпроқ пул бермоқчи бўлдик, аммо у қолишни истамади.
Уни олиб қолиш учун барча ишни қилдик. Биз таклиф қилган шартларни айтсам, сиз ишонмаслигингиз мумкин. Унга "Челси"никидан фойдалироқ битим таклиф қилдик ва унинг агенти келишувни узайтиришга тайёр эди. Бироқ Лукаку мажлислар хонасида ўтирганида, онаси унга қўнғироқ қилди. У ўғлига Африкада фол очтирганини ва фолбин Лукаку "Челси"га кетиши кераклигини маълум қилганини айтди.
Натижада ҳамма ҳаракатларимиз муваффақиятсиз якунланди - дунё баъзида адолатсиз. Ҳозир Ромелу 120 млн. фунт турган бўларди ва бу биз учун молиявий йўқотиш. Муаммо шундаки, у бизни ҳаёлан тарк этиб бўлган эди" - дейди Мошири.
