Бизга маълум бўлишича, янги мавсум бошланишига бир неча кун қолган бўлишига қарамай жамоанинг бир қатор ходимлари клуб билан шартномаларни узайтиришмаган. Клубнинг янги раҳбарияти гарчи клуб молиявий жиҳатдан яхши ҳомийга эга бўлган бўлишига қарамай, ходимларга ўтган йилгидан ҳам камроқ маош таклиф этган. Бу эса кўпчилик ходимларнинг норозилигига сабаб бўлган ва улар жамоа билан шартнома тузишдан бош тортишган.
Жамоага янгидан қўшилган легионер футболчилар ва мураббийлар штаби яхшигина маблағ эвазига клуб шарафини ҳимоя қилишга бел боғлагани барчага маълум. Аммо бир неча йиллардан буён клубда фаолият юртиб келаётган мутахассисларга янги раҳбарият нима сабабдан бу тахлит шартнома таклиф қилаётгани бироз тушунарсиз бўлиб қолмоқда.
Эслатиб ўтамиз, “Қизилқум” Суперлиганинг илк турини икки кундан сўнг - 4 март куни “Локомотив”га қарши ўтказади.
