Яқин ўтмишнинг машҳур ҳимоячиси, мураббий сифатида БАА, Хитой ва Саудия Арабистони клубларида ишлаган, шунингдек, Хитой терма жамоаси, "Беневенто", "Удинезе" ва "Динамо" Загреб жамоаларида бош мураббий бўлган Фабио Каннаваро Ўзбекистон терма жамоаси бошқарувига келиши мумкин.
Championat.asia сайти маълумотларига қараганда, Ўзбекистон футбол ассоциацияси раҳбарияти Италия терма жамоаси афсонаси билан айнан унинг юртида музокаралар олиб борган.
Эслатиб ўтамиз, 52 ёшли Каннаваро ўтган ой Ўзбекистонда меҳмон бўлиб, футзал бўйича Ўзбекистон Суперкубоги учрашувига келган ва ўзбекистонлик афсоналар билан ўйинда майдонга тушган эди.
