Эшитдик-да! "Нефтчи" футболчилари 3 ойдан бери маош олишмаяпти
10 июн 2024 16:11
Янгиликлар

Эшитдик-да! "Нефтчи" футболчилари 3 ойдан бери маош олишмаяпти

Айни пайтда ФИФА кунлари давом этмоқда ва Суперлигада кичик танаффус юзага келган.

3 кундан сўнг яна ички чемпионат баҳслари давом эттирилади.

"Championat.asia" олган маълумотга кўра, Фарғонанинг "Нефтчи" клубида молиявий муаммолар юзага келган. Гап шунда-ки, футболчилар февраль ойидан бери маош олишмаган. Ғалабалар учун мукофот пуллари ҳам берилмай йиғилиб қолган. Ҳатто, клубнинг айрим ўйинчилардан ўтган йилги баъзи "премия" қарзлари ҳамон берилмаган.

Яна бир жиҳат бор-ки, агар футболчи шартномасида кўрсатилган маошини 3 ой олмаса, келишувни бир томонлама бекор қилиш ҳуқуқига эга бўлади. "Нефтчи" раҳбарлари хушёр тортишмаса ёзда жиддий муаммоларга дуч келишлари мумкин.

"Нефтчи" айни пайтда Суперлига турнир жадвалида 17 очко билан 4-поғонада бормоқда. Пешқадам "Насаф"да 19 очко мавжуд.