Эшитдик-да! "Металлург" сафига яна бир эронлик футболчи келиб қўшилди

15 июль куни Бекободнинг "Металлург" жамоасига бир қатор ўйинчилар келиб қўшилгани ҳақида хабар берган эдик.

Эшитдик-да! Абдураимов, Убайдуллаев ва Шойқулов "Металлург"га ўтади

Бўйи деярли 2 метр бўлган эронлик футболчи "Металлург"га ўтди

"Металлург" ёзги трансфер ойнасида ўз сафини яна бир эронлик легионер билан тўлдирди. Гап 29 ёшли Даниал Маҳини ҳақида кетмоқда. 1993 йилда туғилган Маҳини ўнг қанот ҳимоячиси ҳисобланади, шунингдек марказий ҳимояда ҳам ўйнай олади.

Маҳини бекободликлар сафига Эрон 1-лигаси вакили "Арман Гоҳар" клубидан келди. Ҳимоячи фаолияти давомида "Истиқлол" (Хузестан), "Сайпа", "Пайкан" каби форс клубларида ўйнаган.

Шу билан "Металлург"нинг ёзги трансферлар лимити тўлди. Жамоа 5талик лимит учун Сардор Абдураимов, Искандар Шойқулов, Шаҳзод Убайдуллаев, Ризо Язадандуст (Эрон) ҳамда Даниал Маҳини (Эрон) билан шартнома имзолади. "Олимпик"дан ижарага олинган Муҳаммадазиз Иброҳимов эса 2001 йилда туғилган ва лимитдан ташқарида қолади. Буёғига Веско Стешевич бошчилигидаги жамоа фақат 2001 ва ундан кичик футболчилар билан шартнома тузиши мумкин.