Эшитдик-да! Бабаян қайтмоқдами?!

Ўзбек клублари аллақачон янги мавсум учун тараддуд кўришни бошлаб юборишган.

"Championat.asia" олган маълумотга кўра, "Навбаҳор" клуби собиқ устози Самвел Бабаян яна футболга қайтмоқда. Бизга маълум бўлишича, Бабаян янги мавсумдан Тошкентнинг "Локомотив" клубида иш бошлайди. Лекин, ҳозирча у бош мураббий бўладими ёки бошқа лавозимни эгаллайдими буниси номаълум.

Эслатиб ўтамиз, Самвел Бабаяннинг охирги иш жойи Наманганнинг "Навбаҳор" клуби бўлган. Самвел Бабаян "Навбаҳор"да 2022 йил бошидан 2024 йил июль ойига қадар фаолият олиб борди. Бу давр ичида Бабаян 89 та ўйинда ишлаб 50 та ғалаба, 23 та дуранг ва 16 та мағлубият қайд этди. 

"Навбаҳор" билан Ўзбекистон кубоги финалига қадар етиб борди ва клубни Осиё чемпионлар лигасида 1/8 финалга олиб чиқди.