“Энфилд”да Даглишнинг номи абадийлаштирилди+ФОТО
14 окт 2017 01:53
Янгиликлар

“Энфилд”да Даглишнинг номи абадийлаштирилди+ФОТО

“Ливерпул” клубининг уй стадиони ҳисобланган “Энфил”даги минбарладан бирининг номи расман жамоанинг афсонавий футболчиси ва мураббий Кенни Даглиш номи билан аталадиган бўлди.

Клуб расмий сайтининг хабар беришича, “Сентенери Стенд” деб номланувчи минбар эндиликда “Кенни Даглиш Стэнд” номи билан аталади.

Бугун ўтказилган махсус маросимда 66 ёшли Даглишнинг оила аъзолари, дўстлари ва жамоадошлари иштирок этишди.

Даглиш 1977 йилда “Ливерпул”га келган ва жамоа сафида 515 та учрашувда майдонга тушиб, 172 та гол урган. 1985 йилдан у жамоада ўйновчи-мураббий сифатида ишлаган. Футбочли ва мураббий сифатида у саккиз бор Англия чемпионлиги, уч марта Чемпионлар кубоги, икки бор Англия кубоги ва беш марта Лига кубогини қўлга киритган. 1991 йилда Даглиш жамоадан кетган.

2011 йили Даглиш яна “Ливерпул” бош мураббийи этиб тайинланган ва 2012 йили Лига Кубогини қўлга киритган. Аммо кейинчалик истеъфога чиқарилган.