Мадридликлар француз ҳужумчиси иштирок этган охирги тўртта ўйинда бирор марта ҳам ғалаба қозона олишмади.
"Бу фақат Мбаппенинг айби эмас. Лекин унинг келиши "Реал" кийиниш хонасини худбинликка тўлдириб юборди. Бу — фиаско. Вақт унинг зарарига ишлаяпти.
ПСЖ жамоа бўлиб ўйнашни бошлаганидан бери феноменал ўйин кўрсатмоқда. Улар худди бир қўлнинг бармоқларидек жипслашишди", — деди Пети.
Маълумот учун, Килиан Мбаппе жорий мавсумда барча мусобақаларда 39 та ўйинда майдонга тушиб, 40 та гол ва 6 та голли узатмани амалга оширди. Бироқ унинг шахсий кўрсаткичлари жамоанинг охирги вақтлардаги натижаларини яхшилаш учун кифоя қилмаяпти.
