Эдита Миробидова ва Зилола Раҳматова аёллар ўртасидаги U-20 Осиё Кубоги саралаш баҳсларида ишлайди

Sherzod Nurmatov
2 май 2023
2024 йилда мамлакатимизда ўтадиган аёллар ўртасидаги U-20 Осиё Кубоги финал босқичи учун саралаш баҳслари давом этмоқда.

Жорий йилнинг 6-10 июнь кунлари Мьянманинг Янгон шаҳрида мазкур мусобақа учун 2-босқич саралаш баҳслари бўлиб ўтади. “B” гуруҳи вакиллари Хитой, Мьянма, Непал ҳамда Хитой Тайпейи жамоалари кейинги босқич учун кураш олиб боришади.

Эътиборли томони, Осиё футбол конфедерасияси томонидан мазкур саралаш босқичи учун 2 нафар ФИФА ҳаками – Эдита Миробидова ҳамда Зилола Раҳматова ҳам тайинлов олган.


Sherzod NurmatovМуаллиф
Манба: Ўзбекистон футбол ҳакамлари маркази