ЕЧЛ. Ҳафта ўйинчиси ким бўлади? Номзодлар орасида Месси ва Погба ҳам бор

УЕФА Чемпионлар лигасида ҳафтанинг энг яхши ўйинчиси бўлиш учун номзодлар рўйхатини эълон қилди. Даъвогарлар орасидан "Барселона"нинг аргентиналик форварди Лионель Месси, "Манчестер Юнайтед"нинг франциялик ярим ҳимоячиси Поль Погба, "Ливерпуль"нинг англиялик ярим ҳимоячиси Жеймс Милнер ва "Лион"нинг франциялик ҳужумкор ярим ҳимоячиси Набиль Фекир жой олди.

Эслатиб ўтамиз, Месси "ПСВ Эйндховен" билан учрашувда хет-трик қайд этди. Погба "Янг Бойз"га қарши учрашувда иккита гол урди ва битта голли пас берди. Милнер ПСЖ дарвозасига пенальтидан битта гол урган бўлса, Фекир Англияда "Манчестер Сити" билан тўқнашувда битта гол урди ва битта голли пас берди.

Номзодларга УЕФА расмий сайтига кириб овоз беришингиз мумкин.