Доннарумма ПСЖни тарк этиши мумкин. Клуб янги шартнома бўйича келишувга эриша олмади
12 июн 11:36
Янгиликлар

Доннарумма ПСЖни тарк этиши мумкин. Клуб янги шартнома бўйича келишувга эриша олмади

ПСЖ дарвозабони Жанлуижи Доннарумма шу ёзнинг ўзидаёқ Франция клубидан кетиши эҳтимоли юқори.

"Foot Mercato"нинг хабар беришича, томонлар амалдаги шартномани узайтириш бўйича келишувга эриша олмаган.

Италиялик футболчининг келажаги ноаниқ бўлган бир пайтда, унга Европанинг нуфузли клублари – "Реал", "Манчестер Сити" ва "Манчестер Юнайтед" қизиқиш билдирмоқда. ПСЖ Доннаруммани 40 миллион еврога баҳоламоқда.

Доннарумма 2021 йилда Париж клубига ўтган эди. Ўтган мавсумда у 40 ўйинда майдонга тушиб, 39 та гол ўтказиб юборди ва 12 марта дарвозасини "қуруқ" сақлади. Унинг клуб билан битими 2026 йилнинг ёзигача амал қилади. Transfermarkt маълумотларига кўра, унинг бозордаги қиймати 40 миллион еврони ташкил этади.

Ҳавола :

Манба : Foot Mercato

Янгиликларни Телеграмда ўқинг!

Рейтинг: +2