"Динамо" Россия, Арманистон ва Қозоғистоннинг кўп карра чемпионларига қарши ўйин ўтказади

"Клуб матбуот хизмати 1-йиғинда бўлгани каби Дубайдаги 2-йиғинни ҳам тўлиқ ёритиб боришни режалаштирган.

Хусусан, 12 февраль куни 13 карра Арманистон чемпиони "Пюник" билан баҳс ўтказилса, 14 февралда Россиянинг 3 карра чемпиони "Локомотив" Москвага қарши майдонга тушилади. Яна икки кун ўтиб — 16 февралда эса Қозоғистоннинг 7 карра чемпиони "Астана" клуби "Динамо"га қарши ўйин ўтказади. 19 февралда эса 2025 йил Қозоғистон Премьер-лигасида 4-ўринни эгаллаган "Елимай" клуби кўҳна шаҳар жамоасининг Дубай йиғинидаги сўнгги рақибига айланади.

Ушбу баҳсдан кейин "Динамо" Ўзбекистонга қайтиб, Самарқандда ўтадиган Суперлига 1-тури доирасидаги "Навбаҳор"га қарши ўйинга ҳозирлик кўради", – дейилади хабарда. 

"Динамо"нинг БАА 2-йиғинидаги ўйинлари рўйхати (6–19 февраль):

9 февраль. Абу-Даби

"Динамо" – "Зенит" (Россия)

12 февраль. Дубай

"Динамо" – "Пюник" (Арманистон)

14 февраль. Абу-Даби

"Динамо" – "Локомотив" (Россия)

16 февраль. Дубай

"Динамо" – "Астана" (Қозоғистон)

19 февраль. Дубай

"Динамо" – "Елимай" (Қозоғистон)

Аввалроқ "Динамо" "Зенит" билан ўйнаши ҳақида маълумотлар пайдо бўлган эди.