Жамоа 12 июль, жума куни Самарқанддан Чимён тоғли-ҳудудига жўнаб кетади. У ердаги машғулотларда мураббийлар штаби футболчиларнинг жисмоний ҳолатига катта эътибор қаратишади. Тоғдаги йиғин бир ҳафта давом этиб, 19 июлда якунланади.
20 июлдан эса “Динамо” Тошкентда ўқув-машғулот йиғинини бошлайди. Бир ҳафталик йиғин давомида назорат учрашувлари ўтказилиб, таркибда ўзгаришлар бўлиши мумкин.
Эслатиб ўтамиз, “Динамо” жамоаси 27 июль куни Суперлига 14-тури доирасида Тошкентда “Бунёдкор”га қарши учрашув билан иккинчи даврани бошлайди.
