"Барселона" Ольмо борасида "еб қўйдими"?!
Футболчининг агенти унинг "Барселона"дан кетишини рад этди.
Эслатиб ўтамиз, Ла Лига Каталония клубига Дани Ольмо ва Пау Викторларни рўйхатдан ўтказиш учун икки марта ҳам рад жавобини берди.
Охирги маълумотларга қараганда, Ольмога "Манчестер Юнайтед", "Манчестер Сити" ҳамда "Арсенал" жамоалари қизиқиш билдиришмоқда.
"Шуни айтишим мумкинки, Дани "Барселона"да қолишга қарор қилди. Биз бошқа ҳеч қандай таклиф ёки клубни ўрганиб чиқмаяпмиз.
Дани Ольмо "Барса" учун ўйнашни хоҳлайди, унинг истаги аниқ ва тиниқ", - деди ўйинчининг агенти Анди Бара.
