Дамир Низанов Ўзбекистон U-20 ёшлар терма жамоасига таклиф этилди

Равшан Ҳайдаров бошчилигидаги мазкур терма жамоа 19-28 февраль кунлари "Жар" стадионида машғулот олиб боради.

Ушбу йиғинга "Қўқон-1912" аъзоси Дамир Низанов ҳам таклиф этилган. Мавсумлар оралиғида Нукуснинг "Орол" жамоасидан таклиф этилган 20 ёшли ҳужумкор ярим ҳимоячи Низанов қисқа фурсат ичида "Қўқон-1912" таркибида ўзини кўрсатиб, ёшлар терма жамоаси йиғинига чақирув олди.