UZ

Сўнгги янгиликлар

00:30Канчельскис Ўруновга мос келадиган жамоаларни айтди  0 00:13Эшпириту Санту "Тоттенхэм" вакиллари билан учрашди  0 23:59Клопп Вейналдумнинг ўрнига бошқа футболчи топиб қўйди  0 23:44"Манчестер Юнайтед" Погба билан музокараларни давом эттирмоқда  1 23:23Голларга бой ўтган Ўзбекистон ва Венесуэла футзал терма жамоалари ўртасидаги баҳсдан ГАЛЕРЕЯ  2 23:11Эрнандес Швейцарияга қарши баҳсни ўтказиб юборади  1 22:55"Вест Бромвич" янги бош мураббийни маълум қилди  0 22:30Сурат биздан, изоҳ сиздан!  23 22:12А Сериянинг 3 топ-клуби "Барселона" дарвозабонига қизиқиш билдирмоқда  1 21:50Пеле Роналдуга: “Сенга мухлислик қиламан!”  25 21:33U-20 Араб Кубоги-2021. Ўзбекистон U-18 термаси яна ютқазди  33 21:05Англия ТЖ ҳимоячиси яқин орада “Арсенал” аъзосига айланади  4 20:55Неймар Пеленинг рекордларидан бирини янгилади  3 20:40Жон Терри Про лицензиясини қўлга киритди  3 20:33Футзал. Дарвозаларга олтита гол урилган ўйинда Ўзбекистон Венесуэла билан жанговар дуранг ўйнади  21

"Чемпионатимизга Ривалдо даражасидаги футболчи керак. "Турон" ҳали ўз сўзини айтгани йўқ". Абдуқаҳҳор Хожиакбаров билан интервью Янгиликлар

"Чемпионатимизга Ривалдо даражасидаги футболчи керак. "Турон" ҳали ўз сўзини айтгани йўқ". Абдуқаҳҳор Хожиакбаров билан интервью

Яйпаннинг "Турон" жамоаси жорий мавсум Суперлигада дебют қилаётганидан хабарингиз бор.

Ўтган мавсум Про лигада иштирок этган жамоаниг Суперлигага мослашиш учун маълум вақтга эҳтиёж сезиши табиий ҳол ҳисобланади. Про лига ва Суперлига ўртасида фарқ катта эканлиги ҳам бунда муҳим рол ўйнайди. Мослашиш жараёнида гоҳида натижалар ҳам яхши кўриниш олмаслиги мумкин. "Турон" ҳозирда мана шу жараённи бошидан ўтказмоқда. Бундай паллада битта ғалаба кўп нарсани ўзгартириб юборади. Жамоа кубокда "Арал Самали" ва "Андижон"ни мағлуб этди. Бу эса уларга бўлажак ўйинларда руҳий жиҳатдан кўмак бериши шубҳасиз. Биз бу борада "Турон"нинг тажрибали футболчиси Абдуқаҳҳор Хожиакбаровнинг фикрларига қулоқ тутдик.

- Юқорида таъкидлаганимиздек кетма-кет мағлубиятлардан сўнг қўлга киритилган биргина ғалаба барчасини ювиб кетади. Айниқса руҳият жиҳатдан кўтаринкилик ва ишонч бериши тайин. "Турон" кубокда ғалаба қозониб озгина бўлсада ғалаба таъмини ҳис қилиб олди. Ушбу ютуқлар футболчиларнинг руҳиятини қай даражада ижобий томонга ўзгартирди?

- Тўғри таъкидладингиз. "Турон" бу йил илк бор Суперлигада қатнашмоқда. Чемпионат стартида натижаларимиз қониқрарсиз бўлди. Ғалабани аввалроқ қўлга киритишимиз мумкин эди. Кўрган бўлсангиз, ўз майдонимизда "Локомотив" билан баҳсда тайёр ғалабани қўлдан чиқардик. Ўзимизни хатоларимиз эвазига дарвозамиздан тўп олиб чиқдик. Жиззахда "Сўғдиёна" майдонида камида дурангга эришишимиз мумкин эди, деб ўйлайман. Ҳакамнинг хатоси билан мағлубиятга учрадик. 

- Кетма кет мағлубиятлардан сўнг натижалар ички муҳитда ҳам тушунмовчиликлар юзага келиши табиий. "Турон"да бундай ҳолат бўлмадими?

- Йўқ бундай ҳолат бўлмади. Жамоада ички муҳит жуда яхши. Мураббийлар, ҳомийлар бизни тўғри тушунган ҳолда далда бериб туришибди. Бунинг учун уларга миннатдорчилик билдириб қоламан.  


 

-  Олдинда жамоани "Пахтакор" ва АГМКга қарши қийин ўйинлар кутмоқда. Шундай экан бу ўйинларда жамоанинг асосий қуроли нима бўлиши мумкин? 

- Мазкур баҳсларда рақибларимиздан очко олиш учун максимал даражада ҳаракат қиламиз. Мухлисларимизнинг қўллаб-қувватлаши бизга қўшимча устунлик беради. Чунки Яйпанда катта футбол яқин яқиндан бўлиб келмоқда. Шу боис маҳаллий иқшибозлар бу ерга катта жамоалар келишини интиқиб кутишади. "Турон"ни ҳали сафдан чиқариш ноўрин. Натижаларимиз аста-секин яхшиланиб боради. Жамоа ҳали ўз сўзини айтгани йўқ.

- Кубок ўйинларига кўп жамоалар беписанд қарагани ёки бор эътиборни чемпионатга қаратишни лозим топгани боис  жиддий эътибор бермади. "Турон" икки фронтда ҳам баробар курашни давом эттиришга имконият ва кучи етадими?

- Беписанд қаради демаган бўлардим. Ўзбекистон кубогида кўп жамоалар ўйин амалиётига эга бўлмаган футболчиларга имконият беришди. Ёшларни синовдан ўтказишди. Шу боис натижалар турлича кўриниш олди. Икки фронтда ҳам кураш олиб боришимизга кучимиз ва имкониятимиз етади. Кубокда узоқроққа боришга ҳаракат қиламиз. 

- "Турон"га Суперлигага мослашиш қандай кечмоқда? Айрим жамоаларда бу жараён тезда ўтиб кетади...

- Бизга тақвим ҳам қийин келди. Таркибимизда кўп маҳоратли ижрочилар бор. Уларнинг ёрдамида мослашиш жараёнидан тезда ўтиб оламиз, деган умиддаман.  


 

- Ўз вақтида "Бунёдкор"да Сколари қўл остида Ривалдо, Луизао каби жаҳон юлдузлари билан бирга тўп тепгансиз. Ҳақиқий легионер қандай бўлиши кераклигини кўргансиз. Нима деб ўйлайсиз Ривалдо савиясидаги легионерлар яна чемпионатимизга қай томондан наф келтиришига ишонасиз? 

- Ундан сўнг чемпионатимизга Ривалдо даражасидаги легионер келгани йўқ. Аммо охирги мавсумларда "Пахтакор"да Драган Черан, "Насаф"да ўйнаётган Марко Станоевич яхши савиядаги легионер эканлигини исобтламоқда. Фикримча Ривалдо каби топ юлдузлар керак. Бироқ уларга катта маблағ ҳам зарур. Эсласангиз ўша пайтларда "Бунёдкор" иштирокидаги ўйинларда, вилоятларда стадионлар тўлиб тошарди. Қайсидир маънода бразилиялик юлдуз стадионларга мухлисларни қайтишига ҳам сабабчи бўлганди. 

- Шу вақтгача тўп тепган жамоаларингиздан "Сурхон"дан ташқари барча жамоаларда соврин қўлга киритгансиз. "Бунёдкор" билан чемпионлик, АГМК билан мамлакат кубогида зафар қучгансиз. Бу ёқимли анъанани давом эттириш ниятингиз борми?

- "Бунёдкор" билан совринлар ютиш насиб қилган. Худога шукур дейман. АГМК билан 2018 йил Ўзбекистон кубоги финалида "Пахтакор"ни мағлуб этиб тарихга киргандик. Нима учун буни "Турон"да такрорлашим мумкин эмас? Бу жамоа билан ҳам соврин ютишга ҳаракат қиламан.  


Абдулазиз Искандаров суҳбатлашди

Рейтинг: +5   

Фикрлар

   
09 май 04:44:47
Jalol Jum
Ривалдони тушингда курасана Энди бутам
   
05 май 21:11:10
Фк Тулуза
Равиш фойдаланувчининг фикрига жавоб бериш
Турон узига хос уйин услубига эга команда.Хали яхши шаклланиб улгургани йук.Хаммаси хали олдинда мураббий алмаштириш бу вазиятни узгартиришга ердам бермайди.Энг зур мураббий учун хам анча вакт керак.Мураббийни мавсум оралигида алмаштириш максадга мувоффик деб уйлайман.Четдан уйинчи олиш кандай окибатларга олиб келинишини Нефтчи Шуртан мисолида курияпмиз.Узимизни ешларни тарбиялашимиз керак .Бу менинг шахсий фикриб узр дустим.
Фикрингиз учун рахмат
   
05 май 21:09:53
Фк Тулуза
Nurik_United фойдаланувчининг фикрига жавоб бериш
Тугри айтасиз,шунча харажатга яраша тузукро мураббий олиб келиш кере,тажрибалирок уйинчиларга гапини утказа оладиган,бу еш мураббий бн Турон хич нима килолмайди.
Фикрингиз учун рахмат
   
05 май 16:30:49
TuRoNYaYpAn777
Фк Тулуза фойдаланувчининг фикрига жавоб бериш
5 та ўйинда 2 очко тўплаган жамоа яна қандай ўз сўзини айтиши мумкин, бу жамоа шунча молиялаштириш эвазига тузукроқ мураббий ва 3-4 яхши ўйинчиларни олиши керак
Xali kamanda yangi sekin sekin xamasi iziga tushadi sabr qilish kerak
   
05 май 15:46:16
Sergio20
Abduqahhhor har doim hurmatdasiz uka olmaliqli muhlisla sizi unutmidi zor oyinchisiz hudo holasa har doim yuziz yorug bosin Turonga omad (Kaxa)
   
05 май 15:26:58
Равиш
Фк Тулуза фойдаланувчининг фикрига жавоб бериш
5 та ўйинда 2 очко тўплаган жамоа яна қандай ўз сўзини айтиши мумкин, бу жамоа шунча молиялаштириш эвазига тузукроқ мураббий ва 3-4 яхши ўйинчиларни олиши керак
Турон узига хос уйин услубига эга команда.Хали яхши шаклланиб улгургани йук.Хаммаси хали олдинда мураббий алмаштириш бу вазиятни узгартиришга ердам бермайди.Энг зур мураббий учун хам анча вакт керак.Мураббийни мавсум оралигида алмаштириш максадга мувоффик деб уйлайман.Четдан уйинчи олиш кандай окибатларга олиб келинишини Нефтчи Шуртан мисолида курияпмиз.Узимизни ешларни тарбиялашимиз керак .Бу менинг шахсий фикриб узр дустим.
   
05 май 15:23:23
Nurik_United
Фк Тулуза фойдаланувчининг фикрига жавоб бериш
5 та ўйинда 2 очко тўплаган жамоа яна қандай ўз сўзини айтиши мумкин, бу жамоа шунча молиялаштириш эвазига тузукроқ мураббий ва 3-4 яхши ўйинчиларни олиши керак
Тугри айтасиз,шунча харажатга яраша тузукро мураббий олиб келиш кере,тажрибалирок уйинчиларга гапини утказа оладиган,бу еш мураббий бн Турон хич нима килолмайди.
   
05 май 14:58:23
Набижон Темиров
Ўша Жиззахдаги нохақлик (100% исботланган лекин айбдорлар жазосиз қолмоқда) ўз кучини кўрсатди..........,
   
05 май 14:55:34
Фк Тулуза
5 та ўйинда 2 очко тўплаган жамоа яна қандай ўз сўзини айтиши мумкин, бу жамоа шунча молиялаштириш эвазига тузукроқ мураббий ва 3-4 яхши ўйинчиларни олиши керак
   
05 май 14:27:33
O'zbek
АГМКдаги ажойиб ўйинлари ҳамон ёдимизда. Омад
championat.asia
< сўнгги янгиликларни кўриш
Яндекс.Метрика