"Челси" ҳимоячиси АПЛнинг бошқа клубига ўтишни истамади

"Челси" ҳимоячиси Трево Чалоба трансфер ойнасининг сўнгги кунида "Ноттингем Форест"га ўтишдан бош тортди. Бу ҳақда инсайдер Фабрицио Романо хабар берди.

Футболчи унга қизиқиш билдирган "Бавария"га ўтмоқчи эди, аммо трансфер амалга ошмади. Шундан сўнг "кўклар" футболчини 25 миллион фунтга "ўрмончилар"га сотиш бўйича келишувга эришган бўлса-да, англиялик футболчи "Челси"да қолишни маъқул кўрди.

Чалоба Лондон клуби тарбияланувчиси ҳисобланади. 24 ёшли ҳимоячи жорий мавсум ҳали майдонга тушмади. У қишда "кўклар"ни тарк этиш эҳтимоли бор.