Йилнинг энг яхши тўпурари - Драган Черан
21 дек 2020 19:05
Янгиликлар

Йилнинг энг яхши тўпурари - Драган Черан

Кеча бўлиб ўтган Ўзбекистон кубоги финал баҳси билан мамлакатимизда катта футбол мавсуми ўз ниҳоясига етди.

"Championat.asia" сайти ўз анъанасига содиқ қолган ҳолда йилнинг энг яхшиларини аниқлади.

Демак, йилнинг энг яхши тўпурари - Драган Черан ("Пахтакор").

Чемпионатимизда яхши савиядаги легионерлар саноқли. Лекин хорижликлар орасида яққол ажралиб турадиган деб бемалол Драган Черанни айтса бўлади. Албатта, Черандек футболчини ўз жамоасида кўришни ҳар бир мураббий хоҳлайди. Сербиялик тўпурар мана бир неча мавсумдирки бир текис ўйин кўрсатиб келмоқда. 2019 йил 24та гол уриб тўпурар бўлган Черан, 2020 йил 21та гол билан у номга сазовор бўлди. Драган Ўзбекистонда икки марта тўпурар бўлган биринчи легионерга айланди.

Черан Бобир Абдихолиқов (17та гол), Игорь Сергеев (16та гол) каби футболчиларни ортда қолдирди.

Суперлигадаги кўрсаткичи: 26 ўйин, 2072 дақиқа, 21 гол, 8та голли пас.