«Цементчи»: Эртага «Қўқон-1912» ёшлари билан ўйнаймиз
17 фев 2017 20:09
Янгиликлар

«Цементчи»: Эртага «Қўқон-1912» ёшлари билан ўйнаймиз

Теглар : Қўқон-1912 Цементчи

Қувасойнинг “Цементчи” жамоаси Фарғонада ўтказилган “Вилоят ҳокими кубоги-2017” турниридан сўнг уч кунлик қисқа таътилга чиққан эдилар.

Шундан сўнг жамоа аъзолари яна ўз қароргоҳига йиғилиб машғулотларни давом этирдилар. Ушбу иккинчи йиғин давомида жамоа “Цементчи-2”, Фарғона футбол терма жамоаси ва “Тошлоқ” жамоаларига қарши назорат учрашувларини ўтказдилар. Энди жамоа аъзолари эртага Қўқон шаҳридаги “Кимёгарлар” стадионида “Қўқон-1912” жамоаси ёшларига қарши синов назорат учрашувида майдонга тушадилар. Бу жамоани Фарғонадаги сўнгги назорат учрашуви бўлиши мумкин. Шундан сўнг жамоа йиғинни Тошкентда давом эттиради.

Жамоа аъзолари 23 февраль куни Тошкент сафарига жўнаб кетади. Мураббийлар пойтахтдаги йиғинда бир қатор олий ва биринчи лига жамоаларига қарши майдонга тушишни режага киритганлар. Жумладан “Цементчи” Тошкентда “НБУ-Осиё”, “Локоматив БФК”, “Бунёдкор” ёшлари, “Суғдиёна” яна йиғин давомида режага киритиладиган бир қатор жамоаларга қарши назорат учрашувини ўтказадилар. Таркибда ўзгаришлар бор. Жамоа таркиби ва ундаги ўзгаришлардан пойтахтдаги йиғин давомида маълумот бериб борамиз.

“Цементчи” матбуот хизмати
Зухриддин Абдуллажонов

Ҳавола :

Манба : championat.asia

Янгиликларни Телеграмда ўқинг!

Рейтинг: +1