"Бунёдкор" назорат учрашувида "Қўқон-1912"га мағлуб бўлди
20 фев 2020 18:03
Янгиликлар

"Бунёдкор" назорат учрашувида "Қўқон-1912"га мағлуб бўлди

Янги мавсумга тайёргарликни давом эттираётган "Бунёдкор" жамоаси бугун тушликдан сўнг иккинчи назорат баҳсини ўтказди.

"Қўқон-1912"га қарши кечган учрашувда аралаш таркиб синовдан ўтказилди ва асосан ёш футболчиларга имконият берилди. Ўйиннинг 10-дақиқасида қўқонликлар футболчиси Ҳамидулло Абдуҳамидов ҳисобни очган бўлса, 80-дақиқага келиб иккинчи тўпни киритиб дубль муаллифига айланди. Бахтиёр Ашурматов шогирдларининг икки голига жавобан, 89-дақиқада "қалдирғочлар" аъзоси Нозимхон Рустамов рақиб дарвозасини ишғол қилди ва орадаги ҳисобни қисқартирди - 1:2. Якунда ушбу натижа ўзгаришсиз қолди.

Назорат учрашуви
"Бунёдкор" - "Қўқон-1912" 1:2
Голлар: Ҳамидулло Абдуҳамидов 10 (0:1), Ҳамидулло Абдуҳамидов 80 (0:2), Нозимхон Рустамов 89 (1:2)

"Бунёдкор": Акобир Қаюмов, Суҳробжон Ярашев, Сардор Хурсандов, Бобурбек Фарҳодов, Нодир Турсунов, Темурий Букия, Сардор Абдураимов, Расул Йўлдошев, Малик Расулов, Абдулазиз Абдусаломов, Владислав Нуриев.
Заҳирадан майдонга тушганлар: Диёрбек Раҳимқулов, Иброҳим Ибрагимов, Валерий Акопов.