Бугун футбол. "Машъал" - "Олмалиқ"

Аввалги турда йирик ҳисобда мағлуб бўлган "Машъал" бугун Муборакда "Олмалиқ"ни қабул қилади. Учрашув 18:00да бошланади.

«Машъал» (Муборак) – «Олмалиқ» (Олмалиқ)
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), Р. Лутфулин (Тошкент)
Назоратчи: М. Исмоилов (Тошкент)
ЎзПФЛ вакили: В. Штерн.

Ўйиндан нима кутяпмиз? Иккала жамоа ҳам бир-бирига мос рақиб ҳисобланади. "Машъал" аввалги турда кутилмаганда йирик ҳисобда "Сўғдиёна"га ютқазиб қўйди. "Олмалиқ" эса уйда "Динамо"дан 2:0 ҳисобида устун келди. Бугунги беллашувда томонларнинг имкониятини 50/50 дея оламиз.

Қизиқ жиҳат: Виктор Кумиков "Олмалиқ" бош мураббийи сифатида бугун собиқ жамоаси "Машъал"га қарши баҳс олиб боради.

Факт: "Машъал" 9та ўйинда 14 очко тўплаган ва жадвалда 7-ўринни эгаллаб турибди. "Олмалиқ" эса бугунги рақибидан икки очко кам жамғарган ҳолда 9-ўринда бормоқда. "Машъал" ҳозирча тўртта ўйинда, "Олмалиқ" эса учта баҳсда ғалабага эришган.

Факт: "Машъал" ўз майдонидаги ўйинларда учта ғалабани қўлга киритган. Муборакликлар бир марта дуранг ўйнаб, бир бор мағлубиятга учрашган. Тўплар нисбати 6-2. "Машъал"нинг ўз майдонидаги очколар сони 10тага тенг ва бу борада улар "Қўқон-1912" ва "Бухоро" билан бир хил очко тўплашган.

Биласизми? "Олмалиқ" кетма-кет бешта ўйиндан бери мағлуб бўлмаяпти: уч ғалаба ва икки дуранг. "Олмалиқ" сафарда ҳозирча бир марта ғалабага эришган. Бу жамоа 6-турда "Обод"ни 1:0 ҳисобида мағлуб этган.