Инглиз ҳужумчиси "Тоттенхэм"да ўйнаб юрганида бирорта ҳам соврин юта олмаган. 2023 йилда у "Бавария"га ўтди ва 2025 йилда ўзининг биринчи жамоавий ютуғи – Бундеслига ғолиблигига эришди.
"Агар Кейн "Тоттенхэм"да қолганида, АПЛнинг барча даврлардаги энг яхши тўпурарига айланган бўларди. Ўшанда у афсона бўлармиди? Ҳа. Бироқ "Бавария"га ўтиб тўғри қилди, чунки энди у йирик совринларни юта олишини билади. У "Тоттенхэм"да бўлгани каби кўп гол уради, лекин "Олтин тўп" учун курашиши мумкин, чунки у жамоа билан совринлар ютади", – деди Фернандеш.
Португалиялик ярим ҳимоячи 2020 йилнинг бошидан бери "Манчестер Юнайтед"да ўйнаб келмоқда. Яқинда ярим ҳимоячининг "Бавария"га ўтиши билан боғлиқ миш-мишлар тарқалган эди.
