Учрашувда киритилган голлардан бирига захирадан ўйинга қўшилган Бобур Фарҳодов муаллифлик қилди. Биз эса учрашув якунига етгач ушбу футболчидан фикрларини билдик.
“Яхши ўйин бўлди. Рақиб сезганимиздек кучли жамоа экан. Улар биринчи бўлимда бизга муносиб қаршилик кўрсатишди. Халқаро даражадаги учрашувда биринчи бор тўп тепдим. Худога шукур мен учун ҳаммаси яхши ўтди. Голга келадиган бўлсак Лутфулла Тўраевнинг ажойиб пасини голга айлантирмасам бўлмасди. Рақиб уч ой давомида биронта учрашувда майдонга тушмаган бўлсада, уларни мураббийларимиз яхши ўрганиб чиқишган эди. Майдон ҳолати юқори даражада бўлганида биз ҳам, рақиб ҳам бошқача ўйнаган бўларди. Иккинчи бўлимда устунлик тўлиқ биз томонимизда бўлди”, - деди Бобур Фарҳодов.
Абдулазиз Искандаров ёзиб олди
