Жанубий Корея терма жамоаси билан 1/8 финал учрашувида (4:1) учинчи гол урилганидан сўнг Тите футболчиларга қўшилиб, голни рақс билан нишонлади.
"Манчестер Юнайтед" собиқ сардори, ирландиялик Рой Кин буни рақибга нисбатан ҳурматсизлик, деб ҳисоблаб, мураббийни танқид қилди.
"Бу биз томондан қилинаётган ҳурматсизлик эмас. Бу – бизнинг маданиятимиз. Кимдир буни тушунмаслиги ва билмагани учун жуда афсусдаман. Биз бундан кейин ҳам голдан сўнг рақсга тушишда ва байрам қилишда давом этамиз", – деди Тите Хорватияга қарши ўйин олдидан ўтказилган матбуот анжуманида.
Бразилия 9 декабрь куни ЖЧ чорак финалида Хорватияга қарши майдонга тушади.
