UZ

Сўнгги янгиликлар

21:21"Қосимпошо" — "Башакшехир". Таркиблар маълум  4 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  0 21:07Камолиддин Тожиев: "Жамоадаги энг асосий нарса бу ички муҳит ҳисобланади"  1 20:52"Қизилқум" — "Шўртан" учрашувида захира ҳаками ва футболчи ўртасида юзага келган вазият юзасидан изоҳ  1 20:33Шерзод Жўраев: "Бирданига жамоа тузиб бўлмайди, ҳаммасига вақт керак"  2 20:23Ўзбекистон аёллар терма жамоаси Тошкентда Эронни қийинчиликсиз мағлуб этган ўйиндан ФОТОГАЛЕРЕЯ  1 20:14"Монако" — ПСЖ. Таркиблар маълум  4 19:15Суперлига. “Насаф” — “Динамо” 0:0   0 19:12"Барселона" — "Алавес". Таркиблар маълум  31 19:04Рўзиқул Бердиев: "Афсуски, мавсум биз учун бир текис ўтмади"  9 18:46"Манчестер Сити" — "Лидс". Таркиблар маълум  10 18:36Суперлига-2025. "Пахтакор" кумуш, "Насаф" бронза медалига эга чиқишди  19 18:27Туркия Суперлигаси. "Ризеспор" ўз уйида мағлуб бўлди, Алиқулов захирада қолдирилди  2 17:59Вадим Абрамов: "Баъзи ўйинларимиз ижобий якун топганида ҳатто иккинчи ўринни олишимиз мумкин эди"  13 17:28Суперлига. Тарихда илк бор аёл ҳакам бошқарган ўйинда 6 та гол урилди   16

Биласизми? "Бетис" ҳам "қироллик клуби" Янгиликлар

Биласизми? "Бетис" ҳам "қироллик клуби"

Ҳеч кимга сир эмаски, Испания қиролининг бувиси "Бетис"нинг ашаддий ишқибози эди.

Биз испан клублари орасида "Реал" сўзсиз равишда қироллик мақомида дейишга ўрганиб қолганмиз. Лекин биласизми, "Бетис"нинг ҳам мамлакат қироллик оиласи билан боғлиқ тарихи бор. Испаниянинг ҳозирги қироли Филипп VI нинг бувиси Мария де лас Мерседес Бурбон-Сицилийская "Бетис"нинг ашаддий мухлисаси бўлган!


Мария "Бетис"ни жуда яхши кўрарди. Ҳаттоки, ногиронлар аравачасида эканига қарамай, ўйинларни томоша қилишга борарди

Мария — Карлос Бурбон-Сицилийскийнинг қизи бўлган. Туғилиши билан Мерседесга Испания маликаси сифатида Бурбон-Сицилийская номи берилган. Кейинчалик оила Мадриддан Севильяга кўчиб кетади ва ўша ерда Мариянинг "Бетис"га бўлган муҳаббати пайдо бўлади. Мерседес стадионнинг доимий меҳмонига айланди, жамоасини фаол тарзда қўллаб-қувватлади ва ҳаттоки, Португалия делегатларини ҳам ўйинга олиб борди. Франко инқилоби даврида уни Испаниядан кетишга мажбурлашди. У Франциянинг Канн шаҳрида, кейинроқ эса Парижда яшади ва Луврда санъатни ўрганди.

Мария кейинчалик Португалияга кўчиб ўтди, бироқ "Бетис"ни унута олмади. Бир куни унинг севимли жамоаси сафарда "Спортинг" билан ўйнади. Бу имкониятдан унумли фойдаланган Мерседес клуб футболчиларини меҳмонга таклиф қилди. 1976 йил Испания монархияси тикланди ва Мария Севильяга қайтишга муваффақ бўлди. 1982 йил Мариянинг оёқ сони синиб қолди. Орадан 3 йил ўтиб, чап сон суяги ҳам синди. Натижада Мерседес ногиронлар аравачасига михланди. Аммо "Бетис"ни эсидан чиқаргани йўқ ва шу аҳволида ҳам баҳсларга олиб боришларини сўради.

1995 йили "Бенито Вильямарин" стадионида Марияга жамоанинг олтин нишонини топширишди. Трибунадагилар унинг исмини айтиб ҳайқиришди ва олқишлашди. Аввалига Мерседес танаффус пайти кетиши керак эди, бироқ "Компостела" - "Бетис" учрашувини охирги дақиқасигача томоша қилди. Ўша ўйинда "Бетис" 1:0 ҳисобида ғалаба қозонганди.




"Бетис"га мухлислик қилиш — қироллик анъанаси

Испания қироллик оиласи ва "Бетис" ўртасидаги меҳрли муносабатлар Мария билан чекланиб қолмади. 2017 йилнинг мартида Испания қироллик тахти учун тўртинчи даъвогар инфанта Елена ҳам "Бетис"га мухлислик қилишини ошкор қилди. Унинг Севилья билан ўзига хос ҳикояси бор: у айнан ўша ерда турмушга чиққанди. Бунга бувисининг шаҳар жамоасига бўлган муҳаббати сабаб бўлганди. "Мен ҳам "Бетис" аъзосиман, бу менга меросдир", — деган эди қувонч билан Елена.

Испания қироли ҳам "Бетис"дан йироқ эмас. Аслида Филипп VI қайси клубга мухлислик қилишини очиқ айтмаган бўлса-да, "Бетис" билан ўзгача боғлиқлиги бор. Испания қироли яқинда "Бетис" мухлиси тўпига дастхат қўйиб берди, ўша инсон эса шунчаки қиролга тегиб кўрмоқчи бўлганди холос. Испания қироли эса шундай деганди: "Мен буни рад этолмасдим — аввал ҳеч ҳам тўпга қўл қўймагандим".


Нозима Зарипова таржимаси

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика