Бензема ЖЧда ўйнаши мумкин
29 ноя 2022 11:56
Янгиликлар

Бензема ЖЧда ўйнаши мумкин

Франция терма жамоасининг жароҳат олган асосий ҳужумчиси Карим Бензема мундиалнинг нимчорак финал босқичида сафга қайтиш эҳтимоли бор.

"Реал" ҳужумчиси Бензема Франция учун Қатарда бўлиб ўтаётган Жаҳон чемпионати майдонга қайтишга яқин турибди. У деярли тузалиб кетганга ўхшайди, дейилади манбанинг хабарида.

Футболчининг жароҳатдан тузалиш жараёни анча тез ўтмоқда. Мадрид клуби футболчининг 1 декабрда таркибнинг бошқа аъзолари билан бирга машғулотларда қатнашишини инкор этмади. У Мадридда ўйнай олса, Франция учун ҳам майдонга тушиши мумкин.

Бензема айни пайтда Қатарда бўлмаса-да, рўйхатга олинган 26 нафар футболчиларнинг ичида бўлгани учун Дидье Дешам гуруҳ босқичидан кейинги ўйинларга уни чақириб олиши мумкин. Агар у қайтмаса ва Франция кетма-кет иккинчи марта Жаҳон чемпиони унвонини қўлга киритса, Карим Бенземага ҳам медаль берилади.

Ҳавола :

Манба : RMC Sport

Янгиликларни Телеграмда ўқинг!

Рейтинг: +17