Бахтиёр Давлатов хотира турнири старт олди

Бешинчи марта ўтказилаётган ушбу турнирда 2004-2005  йилда туғилган ёшлардан иборат саккизта жамоа иштирок этмоқда. Жамоалар икки гуруҳга бўлинган ҳолда ўйинларни бошлади.

"А" гуруҳи:

1. «Янгиер» (Сирдарё)
2. «Самарқанд» (Самарқанд)
3. «Металлург» (Бекобод)
4. «Жиззах» (Жиззах)

"B" гуруҳи:

1. «Янгиер-2» (Сирдарё)
2. «Машъал» (Муборак)
3. «Истарафшон» (Тожикистон)
4. «Гулустон» (Сирдарё)

Гуруҳ босқичини биринчи ва иккичи поғонада якунлаган жамоалар ярим финалда ўйнайди. 29 апрель куни мусобақанинг учинчи ўрин ва биринчи ўрин учун баҳслари бўлиб ўтади.

Ўйинлар Янгиердаги марказий ўйингоҳда бўлиб ўтади.

Ўз вақтида “Янгиер”, “Косонсой”, “Насаф”, “Машъал”, “Металлург” сингари клубларда тўп сурган иқтидорли ҳужумчи Бахтиёр Давлатов 2013 йил  оламдан ўтди.
 
Янгиерда туғилиб ўсган Бахтиёр Давлатов 36 ёшида футболчилик фаолиятини тугатганди. Шундан бери “Машъал”, кейинчалик “Янгиер” жамоасида маъмур сифатида ишлаб келаётганди. Бахтиёр Бойжонович ҳаёт бўлганида 44 ёшни қарши олган бўларди.