Бахтиёр Ашурматов: "Ўз уйимизда дуранг ўйнашга ҳам ҳаққимиз йўқ эди"

"Машъал" бир неча йиллардан буён бир хил таркиб билан ўйнаётган, кучли мураббийга эга бўлган кучли рақиб. Шу боис баҳс оғир ўтиши аниқ эди. Биринчи бўлимда гол ура олмаганимиз учун асабийлашдик. Гол урганимиздан кейин вақт кам қолгани учун ҳисобни ушлаб қолишга уриндик. Мухлисларимиз олдида юзимиз ёруғ бўлди. Бугун стадионга мухлисларнинг ташрифи камайгани мени ҳавотирга солди. Йигитларга буни алоҳида таъкидладим, агар ғалаба қозонсак яна мухлисларимиз кўпайишини айтдим. Йигитларга сизларнинг жойингиз аутсайдерлар орасида эмаслигини тайинладим.

Ҳимояни эсдан чиқармаган ҳолда, ҳужумкор ўйин кўрсатишни режалаштиргандик. Танаффусда босимни кучайтиришни айтдим. Иккинчи бўлимда рақиб деярли вазият яратмади, фақат гол ўтказгач иккита вазиятга эга бўлди. "Машъал" стандарт вазиятларда жуда яхши ўйнайди. Бугун дуранг ўйнашга ҳам ҳаққимиз йўқ эди", - дейди Ашурматов.

"Андижон" матбуот хизмати