"Бавария" Нюбелни қайтаришни режалаштиргани йўқ

Дарвозабон Александр Нюбель 2023 йил "Бавария"га қайтмайди. Мюнхен клуби спорт директори Ҳасан Салиҳамижич дарвозабонни яна ижарага беришни ўйламоқда, деб хабар берди "Sky Sports".

26 ёшли Нюбель "Монако"да ижара асосида ўйнаяпти ва агар у Мануэль Нойернинг ўринбосари бўлишда давом этса, "Бавария" билан янги шартнома имзолашни истамаяпти.

Нюбелнинг Мюнхен клуби билан шартномаси 2023 йилнинг ёзига қадар амал қилади. Тransfermarkt портали дарвозабонни 10 миллион еврога баҳоламоқда.

Нюбель ушбу мавсум "Монако" сафида барча мусобақаларда 22 та ўйинда майдонга тушиб, 30 та гол ўтказиб юборди ва 6 та ўйинни "қуруқ" ўтказди.