"Бавария" ўзининг расмий сайти орқали "Галатасарой" ҳимоячиси Саша Боэнинг трансферини эълон қилди. Томонлар 2028 йилнинг июнига қадар шартнома имзолашди.
Мюнхен жамоаси келишувнинг молиявий тафсилотларини ошкор қилмади. Transfermarkt портали хабарига кўра, "рекордмайстер" футболчи учун 30 миллион евро тўлайди.
Боэ "Ренн" тарбияланувчиси ҳисобланади. Франциялик футболчи 2021 йилдан бери "Галатасарой" сафида тўп тепиб келаётганди. 23 ёшли ҳимоячи жорий мавсум барча турнирларда 31 та ўйин ўтказиб, 2 та гол урди.
