"Барселона"нинг 3 футболчиси жамоанинг маошларнинг тушишига норозилик билдирган бюрофаксига қўл қўймади. Улар кимлар?

Дарвозабон Марк-Андре тер Штеген, ярим ҳимоячи Френки де Йонг ва ҳимоячи Клеман Лангле бошқа "Барселона" футболчиларининг такрорий маош тушишига қарши раҳбариятни огоҳлантирувчи бюрофаксга қўл қўйишмади.

Пандемия сабаб "Барселона"нинг даромади 30%га қисқарди, клуб маошлар тўлаш учун эса бюджетидан 70% атрофидаги маблағни ишлатди.

Бундан ташқари клуб раҳбарияти ўйинчиларнинг маошини камайтирмоқчи эмас, жорий мавсум маошлар тушсада, уларнинг ҳисоби кейинги мавсумда кўпайтирилган ҳолда қоплаб берилади. Ушбу схема бўйича футболчилар молиявий йўқотишга дуч келишмайди.

Олдинроқ "Барселона" айнан шундай схема орқали тер Штеген билан шартномани узайтиришни режалаштираётгани хабар қилинган эди.