"Барселона" келаси ёзги мавсумолди тайёргарлик режаларини аниқлаб олди. Клуб Осиё бўйлаб турнега чиқади. Каталония клуби 21 июлдан 4 августга қадар Япония ва Корея Республикасида учта ўртоқлик учрашувида майдонга тушади.
"Барселона" Клублар ўртасидаги ЖЧда иштирок этмаётгани сабабли Осиё сафари мавсумолди дастурнинг асосий йўналиши бўлади. Жамоа дастлаб Японияга битта ўйин ўтказиш учун йўл олади, шундан сўнг яна иккита ўйин ўтказиш учун Кореяга отланади.
Ушбу учта ўйин учун "Барселона" камида 15 млн евро олади.
