"Барселона" вице-президенти: "Неймар биз билан мушук-сичқон ўйнаган"
04 фев 2018 17:58
Янгиликлар

"Барселона" вице-президенти: "Неймар биз билан мушук-сичқон ўйнаган"

"Барселона" спорт директори ва вице-президенти Жорди Местре Неймарнинг ПСЖга ўтишидаги қилиқлари ҳақида айтиб берди.

"Агар у олдимизга келиб, Сеск, Педро, Алексис ва Маскерано каби кетмоқчилигини айтганида, биз рози бўлардик. Аммо бундай вазиятларда ўзини аҳмоққа солиш нотўғри. У биз билан мушук-сичқон ўйнаган. Неймарнинг қилиқларидан, унинг кетишини тушундик ва шу сабабли унга янги шартнома учун мукофот пулини тўлмаслигимизни айтдик.

У бизга ҳеч нарса демади. Агар айтганида, ПСЖ уни арзонроққа олган бўларди. Неймар трансфер бозорида сенсация қилишга уринди. Биз ўз трансферларимиздан анча пул тежаб қолар эдик ва ОАВда миш-мишлар кўпаймасди. Месси "Барселона"да экан, Неймар ҳеч қачон жаҳонда биринчи рақам бўла олмаслигини тушунди" - дейди Местре.

Ҳавола :

Манба : Sport.es

Янгиликларни Телеграмда ўқинг!

Рейтинг: +27