"Mundo Deportivo"нинг хабар беришича, клуб чап қанот ҳимоячиси Алехандро Бальде учун таклифларни расман қабул қилишга тайёр. 22 ёшли испаниялик яқинда дахлсиз актив ва "Барселона" ҳимоясининг келажаги деб ҳисобланган бўлса-да, оғир молиявий аҳвол раҳбариятни ўз хазинасини мустаҳкамлаш учун истеъдодларини сотишни кўриб чиқишга мажбур қилмоқда.
"Манчестер Юнайтед" ва "Манчестер Сити" — испаниялик ҳимоячи учун асосий даъвогар. "Қизил иблислар" жароҳатларга мойил Люк Шоунинг ўрнини босувчи узоқ муддатли ўйинчи қидирмоқда, Пеп Гвардиола эса Бальдени бутун қанотни қамраб оладиган ва унинг мураккаб тактик тизимига мослаша оладиган идеал ҳимоячи сифатида кўрмоқда.
Манчестер гигантларидан ташқари "Астон Вилла" ҳам кутилмаганда бу курашга қўшилди. Бирмингем клуби Унаи Эмери қўл остида Чемпионлар Лигаси келаси мавсуми олдидан таркибни кучайтириш бўйича улкан режасини давом эттирмоқда.
Испаниялик чап қанот ҳимоячиси ушбу мавсум 34 ўйинда майдонга тушди ва 3 та голли узатмани амалга оширди.
